Blog Achintha Dahanayake Blog Achintha Dahanayake

Minimal Landscape ෆොටෝ එකක් ගන්න ක්‍රම 5ක්

Fujifilm X-T3 | Fujinon 10-24 f4 | Zomei ND

Fujifilm X-T3 | Fujinon 10-24 f4 | Zomei ND

ලස්සන Seascape එකක් / Landscape එකක් Compose කරන්න පුලුවන් ක්‍රම දෙකක් තියනව.

1. ෆොටෝ එකේ අදහසට, තේමාවට බාධාවක් නොවී, පුලුවන් තරම් එලිමන්ට්ස් Composition එකට ඇතුලු කර ගන්න එක.

2. ෆොටෝ එකේ අදහසට, තේමාවට බාධාවක් නොවී, පුලුවන් තරම් එලිමන්ට්ස් Composition එකෙන් අයින් කරන එක.

මම මෙතනින් තෝර ගන්නෙ දෙවෙනි ක්‍රමය. මම හැම වෙලාවෙම බලන්නෙ පුලුවන් තරම් මගේ Composition එක Minimal කර ගන්න. මම විශ්වාස කරන විදියට ඒ වගේ Minimal කොම්පොසිශන් එකකට පුලුවන් චායාරූපය නරබන කෙනාගෙ මනස සාමකාමී නිස්කලංක Mood එකකට ගෙනියන්න. ඔයාලත් කැමතිනම් Minimal Composition අත්හදා බලන්න, මේ ලිපිය දිගටම කියවන්න. Minimal Composition එකක් කර ගන්න ඕන කරන මූලික කාරනා 5ක් මම කියන්නම්.


01. ලස්සන Scenery එකක් දැක්කම කලබල වෙන්න එපා

Fujifilm X-T3 | fujinon 56mm f1.2 | Zomei ND

Fujifilm X-T3 | fujinon 56mm f1.2 | Zomei ND

ඉන්න මම පහදන්න. අපි ෆොටෝ එකක් ගන්න ලස්සන Location එකකට ගියාම අපි හැම වෙලාවෙම ට්‍රයි කරන්නෙ ඒ සීනරි එකෙන් පුලුවන් තරම් ප්‍රමාණයක් කැප්චර් කර ගන්න. පාට පාට වලාකුලු එක්ක, ඉර බහින වෙලාවක, පුදුම ලස්සනක්නෙ තියෙන්නෙ. කාටද පුලුවන් එහෙම ලස්සනක් ෆොටෝ ගහන්නෙ නැතුව ඉන්න, නේද? මම දන්නව ඒක, මොකද කාලයක් මමත් එහෙමයි. මම සෑහෙන්න ට්‍රයි කලා ඒ ඩිසයර් එකෙන් එලියට එන්න. මම ඔයාලටත් කියන්නෙ, ඒ ඩිසයර් එකෙන් එලියට එන්න ට්‍රයි කරන්න. ආයෙ ඒ වගේ ලොකේශන් එකකට ගියාම, මුලු සීන් එකම කැප්චර් කරන්න යන්නෙ නැතුව, ඒකෙන් පොඩි ඒරියා එකක් තෝර ගන්න. සමහර විට ඒක මුහුදෙ තියන, එහෙම නැත්තන් වෙරළෙ තියන පොඩි කලුගල් කෑල්ලක් වෙන්න පුලුවන්. එහෙම නැත්තන් කඳු පන්තියක පොඩි කොටසක් වෙන්න පුලුවන්. ඒ වගේ සිම්පල් සබ්ජෙක්ට් එකක් තෝරගෙන ඒක පොටෝ ගහන්න. ඉර බැහැගෙන යද්දි, අහස ලස්සන වෙද්දි හිතෙයි මොන මෝඩ කමක්ද කර ගත්තෙ කියල. ඒක ඉවසගෙන තෝරගත්ත Composition එකේම එල්ලිල ඉන්න.


02. වර්ණ ප්‍රභේධනය (Color Variation එක ) අඩු වෙන තරමට හොදයි

Fujifilm X-T3 | Fujinon 35mm f1.4 | Zomei ND

Fujifilm X-T3 | Fujinon 35mm f1.4 | Zomei ND

මම කලින් කිව්ව වගේ, Composition එක Minimal වෙන එක වැදගත් වගේම, වැදගත් වෙන තව දෙයක් තමයි Color Palette එක. හැබැයි මේක අපේ පාලනයේ තියන දෙයකට වඩා සොබාදහම විසින් තීරණය කරන දෙයක්. නමුත් නිවැරදි වේලාවන් තෝරා ගන්න එක අපිට අයිති දෙයක්. චායාරූප ශිල්පීන් විදියට අපි හරිම කැමතියි Sunset/Sunrise එක වර්ණවත් වෙනවනම්. දේදුනු පාට වලාකුලු තියනවනම්. මටත් ඔය අශාව ඔය විදියටම තිබ්බ. ඒත් ක්‍රමයෙන් මම තේරුම් ගත්ත වලාකුලු නැති අහසක් තියන අවස්තාවක හරිම ලස්සන මිනිමල් ඡායාරූප ගැනීමේ හැකියාව තියනව කියන එක. ඒ වගේ වටපිටාවක්, ඡායාරූපයට අමුතුම නිස්කලංක බවක් එකතු කරනව. ඔයාලත් ආයෙ ෆොටෝ එකක් ගන්න ගියාම, හිස් අහසක් තියන වෙලාවක කණගාටු වෙන්න හෝ ෆොටෝ ගැහිල්ල නවත්තල දාල අකුලන් යන්න එපා. දිගටම ෆොටෝ ගන්න. Result එක ගැන ඔයාලටම පුදුම හිතෙයි.


03. දීර්ඝ අනාවරණයක් (Long Shutter Speed ) එකක් යූස් කරන්න. 

Fujifilm X-T3 | Fujinon 10-24 f4 | Zomei ND

Fujifilm X-T3 | Fujinon 10-24 f4 | Zomei ND

දීර්ඝ අනාවරණ කාලයක් බාවිතා කරද්දි වතුර මතුපිට හා සුලං වැඩි අවස්තා වල වලාකුලු වල, ලස්සන සිල්කි මටසිලිටු ස්වරූපයක් එනව. Minimal Landscape/Seascape ඡායාරූප ශිල්පීන් අතර, මේක ඉතාම ජනප්‍රිය ක්‍රමයක් වගේම ඉතා සර්ථක ක්‍රමයක්. මේකෙදි වතුර මතුපිට හා වලාකුලු වල ඇතිවෙන මටසිලිටු ස්වභාවය නිසාම ඡායාරූපට අමුතුම සන්සුන් ස්වභාවයක් එක් වනවා වගේම එමගින් ජලයේ හා වලාකුලු වල ඇති Details නැතිවී යාම නිසා කලබල ස්වරූපය නැතිවී ඡායාරූපය Minimal කිරීමට උදව් වෙනව.


04. වයිඩ් ලෙන්ස් එකටම හිර වෙලා ඉන්න එපා.

Fujifilm X-T3 | Fujinon 100-400 f4.5-5.6

Fujifilm X-T3 | Fujinon 100-400 f4.5-5.6

Landscape Photography කරන අය හරිම කැමතියි Wide Angle, Ultra Wide Angle Lens යූස් කරන්න. එහෙම පුරුදු වුනොත් වෙන්නෙ අගනා ඡායාරූප අවස්තාවන් අපිට මග ඇරිල යන එක. Wide Lens එකෙන් මිදිල Long Focal Length එකක් තියන Lens එකක් යූස් කරල බලන්න. Long Lens එකක් යූස් කලාම අපිට පුලුවන් ෆ්‍රේම් එකට අනවශ්‍ය දේවල් ඉවත් කරල අවශ්‍යම කරන එලිමන්ට්ස් කීපයක් විතරක් ඉතුරු වෙන විදියට Composition එක සෙට් කර ගන්න. හැබැයි Long Focal Length එකක් යූස් කරද්දි Depth of Field එක Compress වෙනව. ඒ ගැන සැලකිලිමත් වෙන්න.


05. ෆොටෝ එක Black & White කරල බලන්න.

Fujifilm X-T3 | Fujinon 10-24 f4 | Zomei ND

Fujifilm X-T3 | Fujinon 10-24 f4 | Zomei ND

Black & White ඡායාරූපකරණය කියන්නෙ ලේසි කටයුත්තක් නෙමෙයි. ඒකට ලොකු හික්මීමක් වගේම ලොකු පුරුද්දක් පුහුණුවක් අවශ්‍යයි. දක්ශ ඡායාරූප ශිල්පියෙක්ට ශටර් එක ක්ලික් කරන්න කලින්ම අවසන් ප්‍රථිපලය උපකල්පනය කරන්න, අනුමාන කරන්න හැකියාවක් තියනව. ඔහුට/ඇයට ඉතාම වර්ණවත් අවස්තාවක් උනත් කලු සුදු ලෙස මනසින් දකින්න හැකියාව තියනව. මම මේ අදහස් කරන්නෙ එහෙම දෙයක් නෙමෙයි. අවලස්සන ඡායාරූපයක් Black & White කලා කියල ඒක හොද ෆොටෝ එකක් වෙන්නෙ නෑ. මම මේ අදහස් කරන්නෙ අපි Composition එක ගැන කොච්චර සැලකිලිම්ත් වෙලා, වස්තූන් සංවිධානය ගැන ඉතාම සැලකිලිමත් වෙලා ඉතාම Minimal ඡායාරූපයක් ග්‍රහණය කර ගත්තත්, අපිට අවසන් ප්‍රථිපලය ගැන කිසිම විදියකට සෑහීමකට පත් වෙන්න බැරි අවස්තාවන් එනව. සමහරවිට ඒකට හේතුව ඡායාරූපය තුල ඉතා කලබලකාරී ආකාරයකට වර්ණ විසිරී තිබීම නිසා වෙන්න පුලුවන්. අන්න ඒ වගේ වෙලාවක, ෆොටෝ එක පැත්තකට දාන්නෙ නැතුව, ඒක Black & White කරල බලන්න. සමහර වෙලාවට ඔයා මෙච්චර වෙලා නොදැකපු ලස්සනක් ඒ ෆොටෝ එකෙන් මතු වෙන්න පුලුවන්.

මම මේ ඉහලින් සඳහන් කලේ, Minimal Landscape / Seascape කරන්න ආසාවෙන් ඉන්න කෙනෙක්ට ඒක ලේසි වෙන්න, අනුගමනය කරන්න පුලුවන් මූලික කරුණු 5ක් පමණයි. විශිෂ්ඨ ඡායාරූපයක් පිටිපස්සෙ මීට වඩා කාරනා ගොඩක් තියනව. නිතර පුහුණුවත් එක්ක මේ කාරණා ඔයාලටම තේරෙන්න ගනියි. එතකන් හොදට මේක පුරුදු පුහුණු වෙන්න. නිරන්තර පුහුණුව ඔබව දක්ශ ඡායාරූප ශිල්පියෙක් කරයි. ඉතින් මේ ඉහලින් සඳහන් කාරණා ගැන ප්‍රශ්නයක් ගැටලුවක් තියනවනම් අහන්න. ආයෙත් තව මේ වගේම බ්ලොග් එකකින් හම්බෙනකම්, සියලු දෙනාට ජය!

Follow me on Instagram and Facebook








Read More
Blog Achintha Dahanayake Blog Achintha Dahanayake

Free Download කර ගන්න පුලුවන් RAW Processing Software 5ක්

Software වල අධික මිල නිසා සහ Pirated Copy Download කරන්න/Use කරන්න සෑහෙන කාලෙක ඉදල අපි පුරුදු වෙලා ඉන්න නිසා, සල්ලි දීල Software එකක් යූස් කරන්න බහුතරයක් මැලි කමක් දක්වනව. Photography ෆීල්ඩ් එකෙත් තත්වය ඕකම තමයි. Professionally Photography කරන කෙනෙක්නම්, Photo Editing සොෆ්ට්වෙයා එකක Subscription Plan එකකට යන එක එච්චර අමාරු දෙයක් වෙන්න බෑ. හැබැයි බොහොම අමාරුවෙන් සල්ලි ටිකක් අටවන් කැමරාවක් අරන් විනෝදෙට Photography කරන කෙනෙක්ට, ලංකාව වගේ රටක ආර්ථික තත්වයත් එක්ක Editing සොෆ්ට්වෙයා එකකට අවුරුද්දකට විසි තිස්දාහක් වියදම් කරන එක පොකට් එකට වගේම හිතටත් ටිකක් අමාරු වැඩක්. ඉතින් Photoshop, Lightroom තමයි එකම එක කියන මතේ ඔලුවෙන් අයින් කර ගත්තොත්, වැඩේ හොදටම කර ගන්න පුලුවන් නොමිලේම Download කර ගන්න පුලුවන් ඉතා ඉහල මට්ටමේ Software ඉන්ටනෙට් එකේ තියනව. ඉතින් මේ ලිපියෙන් මම කෙටි හැදින්වීමක් කරන්න යන්නෙ එහෙම නොමිලේම ගන්න පුලුවන් RAW Processing Software 5ක් ගැන.


01. Dark Table

මේක Open Source Software එකක්. ඒ කියන්නෙ Coding, Programming ගැන දැනුමක් තියනවනම් ඔයාට උනත් මේ සොෆ්ට්වෙයාර් එකට ෆීචර්ස් ඇඩ් කර ගන්න පුලුවන්. User Interface එක ගොඩක් දුරට Adobe Lightroom වලට සමානයි, ඒත් Lightroom තරම් User Friendly නෑ. Lightroom තරම් නැති උනත් මේ සොෆ්ට්වෙයාර් එකෙත් RAW Processing කරන්න අවශ්‍ය විශාල ෆීචර්ස් ප්‍රමාණයක් අඩංගු කරල තියෙනව. (Tethering පහසුකම ඇතුලුව.) YouTube එකේ මේ Software එක ගැන Tutorials තියනව. මුදලක් වැය වෙන්නෙ නැති නිසා Download කරල ට්‍රයි කරල බලන්න. පහල තියන Link එකට ගිහිල්ල Windows, Mac OS, Linux Operating System තුනටම Download කර ගන්න පුලුවන්. සල්ලි වලට ගන්න Lightroom වලට Fuji X-Trans RAW File එකක් හරියට Open කර ගන්න බැරි වෙද්දි, මේ Free සොෆ්ට්වෙයා එක කිසි ප්‍රශ්නයක් නැතුව ඒ වැඩේ හරියට කරනව.

Download DarkTable

02. RawTherapee

rawtherapee-01.jpg
rawtherapee-02.jpg

මේකත් Open Source Software එකක්. User Interface එක යම් දුරකට Capture One Software එකට සමාන කමක් තියනව. හැබැයි Capture One, Lightroom වලට වඩා ඉතා විශාල Features ප්‍රමාණයක් තියනව. ඒ නිසාම යූස් කරද්දි ඉතා සංකීර්ණ බවක් දැනෙනව. ඒත් Tutorials කීපයක් බැලුවම පහසුවෙන් තේරුම් ගන්න පුලුවන්. Capture One, Lightroom Software එක්ක Compare කරද්දි RAW Therapee එකේ Advantages වගේම Disadvantages තියනව. (Lightroom, CaptureOne වල තියන සමහර Main Features මේකෙ නැහැ) Download කරල යූස් කරල බලන්න. මේ වගේ Software එකක් නොමිලේ ලැබෙන එක ගැන ඔයාලට පුදුම හිතෙයි. Lightroom වගේ නෙමෙයි,  Fuji X-Trans RAW Files වලටත් ඉතාම හොදින් සපෝට් කරනව. පහල තියන Link එකට ගිහිල්ල Windows, Mac OS, Linux Operating System තුනටම Download කර ගන්න පුලුවන්. 

Download RAWTherapee

03. Capture One Express

Medium Format කැමරා වලට ජනප්‍රිය PhaseOne එකෙන් Develop කරන, RAW Processing වලට ලෝකෙ ජනප්‍රියම Software එකක් තමයි Capture One Pro කියන්නෙ. (විශේෂයෙන්ම Sony හා Fujifilm යූස් කරන අය අතර) එකවර මිලදී ගත්තත්, Monthly Subscription Plan එකකට ගියත් මේක කෙනෙකුට මිල අධික ඔප්ශන් එකක්. ඒකට විසදුමක් එයාලම දීල තියනව. ඔයා යූස් කරන්නෙ Fujifilm හෝ Sony කැමරාවක්නම්, ඒ කැමරාවටම වෙන් වුන Capture One Express Version එක නොමිලේම එයාලගෙ වෙබ්සයිට් එකෙන් Download කර ගන්න පුලුවන්. ඔයාට කරන්න තියෙන්නෙ සයිට් එකට ගිහින්, ඔයාට අවශ්‍ය Version එක තෝරල, Register උනාම දෙන License Key එක සොෆ්ට්වෙයා එක Download වෙලා Install කරද්දි යූස් කරන එක. මේකෙ තියන වාසිය තමයි Capture One එකේ තියන විශිෂ්ඨ RAW Processing තාක්ෂණය නොමිලේම ලැබෙන එක (Pro Version එකේ තියන සියලුම ඔප්ෂන් නොලැබුණත් Raw Processing වලට අවශ්‍ය ප්‍රදානම Features ටික මේ Free Version එකෙත් තියනව) අවාසිය තමයි, මේක Fujifilm, Sony කියන Brand දෙකට විතරක් තියන ඔප්ශන් එකක් වීම. පහල තියන Link එකට ගිහිල්ල Windows, Mac OS Operating System දෙකටම Download කර ගන්න පුලුවන්.

Download Capture One Express

04. FastStone Image Viewer

Screenshots-02.jpg

මේක RAW Processing Software එකකට වඩා Photo Organizing Software එකක්. ඒත් මේකෙ Basic Raw Processing කර ගන්න පුලුවන් Features එකතු කරල තියනව. Shadow & Highlight Adjust කර ගන්න, Contrast, Saturation වෙනස් කර ගන්න, Clone ටූල් එකක්, Healing Brush එකක්, Crop Tool එකක් වගේම Image Resize කරගන්න, Text ඇඩ් කර ගන්න වගේ දේවලුත් කරන්න පුලුවන් ඉතාම User Friendly, ඕනම කෙනෙකුට ඉක්මනින්ම තේරුම් ගන්න පුලුවන් Software එකක්. හැබැයි මේක Windows Operating System එකට විතරක් එන Software එකක්. Fujifilm X-Trans RAW ෆයිල් වලටත් හොදින් සපෝට් කරනව. පහල තියන Link එකට ගිහිල්ල මේ Software එක Download කර ගන්න පුලුවන්.

Download FastStone Image Viewer

05. Ashampoo Photo Optimizer 2020 ( V1.8.0)

photo-optimizer.jpg

මේකත් Basic RAW Processing කර ගන්න පුලුවන් Software එකක්. Ashampoo සයිට් එකට ගිහින් Email එකකින් Register වෙලා මේක Download කර ගන්න පුලුවන්. මම ඉහලින් සදහන් කරපු Software වලට වඩා Ashampoo Photo Optimizer එක මෙමරි යූස් කරනව සහ Slow ගතියක් තියනව. (RAW Files එඩිට් කරද්දි). Photo Editing කරන්න අකමැති, එහෙම නැත්තන් වැඩි වෙලාවක් Editing Software එක්ක කාලෙ ගත කරන්න අකමැති කෙනෙක්ට මේකෙ Auto Optimize Option එකක් තියනව. ඒකෙන් ඉතාම සාර්ථක Result එකක් ගන්න පුලුවන්. මේකත් Windows Operating System එකේ විතරක් යූස් කරන්න පුලුවන් Software එකක්. Fujifilm X-Trans RAW ෆයිල් වලටත් හොදින් සපෝට් කරනව. පහල තියන Link එකට ගිහිල්ල මේ Software එක Download කර ගන්න පුලුවන්.

Download Ashampoo Photo Optimizer


ඉහත ලිපියෙන් මගේ අරමුණ වුනේ Lightroom, Photoshop වලට අමතරව RAW Process කර ගන්න පුලුවන් Free Software තියනව කියන එක පෙන්නල දෙන්න. ඔයාලට මේක ගැන මොකක් හරි ප්‍රශ්නයක් තියනවනම් පහල තියන මගේ Instagram එකට DM කරන්න. අනික් අයටත් බලන්න මේක Share කරන්න. Photography වලට වැදගත් වෙන තවත් ලිපියකින් ඉදිරියේදී හමුවෙමු. ස්තූතියි.

www.instagram.com/ad_fineart
www.instagram.com/achintha_dahanayake

Read More